Gülüstanyma

Gülüstanyma

Geldi galam gaşly gyz,

Jilwe kylyp ýanyma;

Kirpikleri tygma-tyg,

Geçer meniň janyma.

Men diýdim ki: «Roýy gül,

Hyzmatyňda bendi gul,

Gahryň goý-da, sabyr kyl,

Suwsan bolsaň ganyma».

Men diýdim ki: «Jan talaş,

Didäm döker ganly ýaş,

Bakmadyň-la bagry daş,

Haly perişanyma».

Bir şeýda bilbil bolsam,

Ýana-ýana kül bolsam,

Bir gije dahyl bolsam,

Täze gülüstanyma.

Türkmen şahyry: Mollanepes ملانپس